संपादक की कलम से… मुख्यमंत्री के प्रमुख सचिव सुबोध कुमार सिंह के जन्म दिन म एक संक्षिप्त आलेख…छत्तीसगढ़ के एक आदर्श और बेदाग प्रशासक है सुबोध कुमार सिंह।

तरुण कौशिक/संपादक सर्वव्यापी/

आजादी के महापर्व के दिन, छत्तीसगढ़ राज्य के वरिष्ठ आईएएस अफसर अउ मुख्यमंत्री विष्णु देव साय के प्रमुख सचिव सुबोध कुमार सिंह के जनमदिन मनात हन। ये दिन सिरिफ ऐमन के जनमदिन के खुशी नइ, बल्कि एक ऐसे अफसर के सम्मान के दिन हवे, जेन अपन सेवा अउ ईमानदारी के मिसाल बने हावय।सुबोध कुमार सिंह के सेवा यात्रा, अपन शुरुआत ले अब तक, साफ-सुथरा छवि, तगड़ा काम अउ जनता के भरोसा के कहानी हावे। प्रशासनिक सेवा के 25 ले जियादा बछर के अनुभव मं, ये ह कई बड़े जिम्मेदारी निभाइस, फेर कतको बड़े पद मं रहिके घलो, कोनो प्रकार के भ्रष्टाचार, पक्षपात या विवाद के नाम नइ जुड़िस।इनकर काम के पहचान, तुंहर-हमर गाँव-शहर लेके राजधानी तक, हर जगा मिलथे। नीति बनाना होवे, संकट के समय राहत पहुंचाना होवे, या विकास के योजना के धरातल मं उतारना होवे , सब मं इनकर कार्यशैली साफ अउ प्रभावशाली रहिस।वरिष्ठ आईएएस अफसर सुबोध कुमार सिंह ह हमेशा अपन सहकर्मी अउ कनिष्ठ अफसर मन ला प्रेरित करे हें। ये ह मानथे के प्रशासनिक सेवा सिरिफ सरकारी आदेश पूरा करना नइ, बल्कि जनता के बीच भरोसा अउ पारदर्शिता बनाए रखना हवय।आज जनमदिन के अवसर मं, सर्वव्यापी परिवार अऊ हम सब छत्तीसगढ़ वासी, सुबोध कुमार सिंह ला लंबा आयु, निरोगी काया अउ अउ भी ऊँच पद के ओर बढ़त रहे के शुभकामना देथन। ये ह हमर राज्य के गौरव हें अउ इनकर सेवा यात्रा आने वाली पीढ़ी बर एक प्रेरणा बने रईही। ईही कामना करत हन। मुख्यमंत्री विष्णु देव साय जी प्रमुख सचिव सुबोध कुमार सिंह के कुछ प्रमुख उपलब्धि मंबेदाग छवि:- 25 ले जियादा बछर के सेवा मं कोनो प्रकार के भ्रष्टाचार या विवाद मं नाम नइ जुड़िस.प्रभावी प्रशासन:- संकट के समय राहत कार्य मं तेज निर्णय क्षमता अउ जमीनी स्तर के सक्रियता।नीति निर्धारण:- राज्य मं शिक्षा, स्वास्थ्य, ग्रामीण विकास अउ औद्योगिक नीति मं महत्त्वपूर्ण योगदान।जनसंपर्क कौशल:- जनता के बीच सीधा संवाद अउ त्वरित समस्या समाधान के पहचानी शैली।विकासमुखी दृष्टिकोण:- राज्य के कई बड़े अधोसंरचना परियोजनामन ला समय सीमा मं पूरा कराना।आपमन ल अब्बड़-अब्बड़ बधाई अऊ शुभकामना