संपादक की कलम से…धर्मजीत सिंह ठाकुर – जनसेवा मं समर्पित मिलनसार नेता।

तरुण कौशिक/ संपादक सर्वव्यापी/

आज छत्तीसगढ़ के वरिष्ठ भाजपा नेता अउ तखतपुर विधायक धर्मजीत सिंह ठाकुर के जनमदिवस हे। राजनीति मं अपन लंबा सफर तय करे वाले ठाकुर जी के पहचान सिरिफ एक विधायक के रूप मं नइये, बल्कि एक मिलनसार, सरल अउ जनहित के खातिर हमेशा खड़ा रहय वाले नेता के रूप मं बने हे।कांग्रेस ले अपन राजनीति के सुरुआत करके, जनता कांग्रेस जोगी पार्टी मं उपाध्यक्ष के रूप मं काम करके अउ आखिरकार भाजपा मं आके, ठाकुर जी ह अपन सक्रियता अउ जनसेवा के रंग छत्तीसगढ़ के राजनीति मं भरे हवंय। हर विधानसभा सदन मं उत्कृष्ट विधायक के खिताब पाना, ये बात ला साबित करथे कि धर्मजीत सिंह ठाकुर ह अपन विषय जानकारी, व्यवहारिक राजनीति अउ जनहितकारी सोच ले हमेशा अलग पहिचान बनाइस हवंय।बिलासपुर के वर्तमान सांसद अउ केंद्रीय राज्य मंत्री तोखन साहू के संग लोरमी विधानसभा सीट ले एक बार हार भले मिले रहय, फेर जनता के बीच मं ठाकुर जी के पकड़ आजो मजबूत हे। हार अउ जीत के पार, वो ह हमेशा अपन जनता के बीच रहय हवंय।धर्मजीत सिंह ठाकुर के व्यक्तित्व मं सबसे बड़े बात ये आय कि वो ह राजनैतिक मंच के अलावा भी व्यक्तिगत रूप मं हर कोई ला अपन बनाके राखथें। मिलनसार स्वभाव, जमीन से जुड़े रहना अउ अपन मतदाता संग निरंतर संवाद कायम करना – येच वो हकर लोकप्रियता के असली आधार हे।आज जनमदिवस के अवसर मं छत्तीसगढ़ के जनता, विशेषकर तखतपुर विधानसभा क्षेत्र के लोगन मन, ठाकुर जी के लंबी उमर, निरोगी काया अउ जनसेवा के यात्रा मं नवा उमंग अउ जोश बर शुभकामना देत हवंय। हमर सर्वव्यापी परिवार घलोक डहर ले विधायक धर्मजीत सिंह ठाकुर जी ल जनम दिन के अब्बड़ अब्बड़ बधाई..!