तरुण कौशिक/ संपादक सर्वव्यापी/
मोहला-मानपुर-अंबागढ़ चौकी जिला के कलेक्टर तुलिका प्रजापति ला प्रशासनिक सेवा मं एक ऊर्जावान अऊ सक्रिय अफसर के रूप मं जान गीस। हालही मं जिला मं शिक्षा, स्वास्थ्य अऊ सफाई ल लेके उनकर कई पहल चर्चा मं रहिस। गांव-गांव पहुँचके योजना के जायजा लेना अऊ अफसर मन ला मौके मं जिम्मेदारी देना, येच उनकर काम-काज के पहिचान आय।फेर, ये सक्रियता के बीच मं प्रशासनिक कसावट ऊपर सवाल घलो उठत हवय। गँवई मन के कहना हवय कि योजना के समीक्षा त होथे, फेर जमीनी काम-काज मं तेज़ी नइ दिखत हवय। स्वास्थ्य विभाग मं डॉक्टर अऊ पैरामेडिकल स्टाफ के कमी बनेच हवय। ओहीच, राशन वितरण अऊ वनाधिकार पट्टा के काम मं पारदर्शिता अऊ गति के मांग ग्रामीण संगठन मन करत हवंय।कलेक्टर प्रजापति हालही मं महतारी स्व-सहायता समूह ला आर्थिक काम-काज ले जोड़के, गँवई स्तर मं रोज़गार के मौका बढ़ाय हवंय। उनकर नेतृत्व मं अंबागढ़ चौकी इलाका के कई स्कूल मं बुनियादी सुविधा सुधरिस हवय। फेर सड़क के खराब हाल अऊ पियऊ पानी के संकट अभी घलो जिला के बड़े चुनौती बनेच हवय।राजनीतिक गलियारामन मं ये चर्चा चलत हवय कि कलेक्टर के जनता ले सीधे संवाद कम होथे। बुजुर्ग अऊ समाजिक कार्यकर्ता मन के कहना हवय कि जेन दिन वो जनदर्शन जइसने बैठक लगातार करहीं, त प्रशासन के छवि अऊ बढ़िया हो सकथे।कुल मिलाके, कलेक्टर तुलिका प्रजापति के काम-काज ऊर्जावान अऊ संवेदनशील दिखत हवय, फेर उनकर सबले बड़े चुनौती येच आय कि योजना ला कागज ले उतारके, जमीनी स्तर तक पूरा ताकत ले पहुँचाय जाय। तहांही जनता उनकर पहल ला असली बदलाव के रूप मं देखही।