संपादक की कलम से…काबर आवत हे रमन के सुरता।

तरुण कौशिक/संपादक /

छत्तीसगढ़ म जब ले भाजपा के सरकार बने हे अऊ मुख्यमंतरी के रुप म विष्णु देव साय के कार्यकाल ल 19 महीना होए जात हवै ,तव लोगन ल नई बल्कि खुद भाजपा कार्यकर्ता मन ल अब भूतपूर्व मुख्यमंतरी डॉ रमन सिंह सुरता आवत हवै अऊ विष्णु के कार्यकाल ल लेके लोगन नई बल्कि खुद भाजपाई मन विष्णु के बजाय डॉ रमन सिंह ल दोबारा मुख्यमंतरी नई बनाए बर भाजपा के केंद्रीय नेता मन ल पछतावा होत हवै,आईसन गोठ बात अब होए लगिस! छत्तीसगढ़ के वरतमान मुखिया विष्णु देव साय जब मुख्यमंतरी बनिस तव एखर नाव ल देखके लोगन मन सांय -सांय कामबूता अऊ अपन चुनावी वादा ल पूरा करे के गोठ बात करत आईस फेर 19 महीना के विष्णु सरकार के कार्यकाल ल लेके लोगन मन ल दूर भाजपा कार्यकर्ता मन ल कोनो समझ नई आवत हे,जेखर ले अब सबो के मानना हवै के ऐखर ले बने तौ रमन सिंह ल मुख्यमंतरी बना दिस,तव आज छत्तीसगढ़ म पूरा मंतरी मंडल अऊ निगम, मंडल, आयोग म नियुक्ति हो जातिस फेर विष्णु के राज म ए सब नई होईस अऊ छत्तीसगढ़ के हाल अऊ बदतर होके हवै, छत्तीसगढ़ के चारों तरफ के हाईवे रोड़ के बात दूर बिलासपुर से रायपुर रोड़ इतना खराब होके हवै के लोगन अऊ भाजपा कार्यकर्ता मन रमन सिंह के कार्यकाल ल सुरता करत हे,जब ओखर बेरा म सबों एती के रद्दा, रोड़ मन ल हमेसा बनाए जावत रहिस,अऊ लोगन ल ओखर कामबूता के बेरा म मजदूरी, भुगतान मिलत रहिस अऊ मुख्यमंतरी सचिवालय म हमेशा अधिकारी मन अपन बेरा म आके लोगन से मुलाकात करत रहिस फेर आज तौ मुख्यमंतरी सचिवालय म कोनो अधिकारी नई मिलत हे। सबो कहां रहिथे,मुख्यमंतरी सचिवालय के कर्मचारी मन घलोक ल पता नई चल पावत हे।आज विष्णु देव साय के कार्यकाल ल लेके उच्च अधिकारी घलोक मन कहत हवै के एखर ले बने अजीत जोगी,डॉ रमन सिंह अऊ भूपेश बघेल सरकार के कार्यकाल रहिस,जेमन अपन सरकार के महत्व ल समझी फेर विष्णु सरकार म पता नई चलत हवै के छत्तीसगढ़ म कोनों सरकार हवै तो तेन नई! निश्चित रूप ले अब मुख्यमंतरी विष्णु देव साय ल भ्रष्टाचार के खिलाफ कार्रवाई करें के संगे संग अपन चुनावी योजना,वादा ल पूरा करें बर जोर देना चाही अऊ मंतरी मंडल, निगम, मंडल,आयोग, बोर्ड के खाली पद ल भरे के दिसा म काम काज करना चाही,काबर के अब दू बछर विष्णु देव साय के सरकार ल होने वाला अऊ अभू तक विष्णु देव साय ल सबले कमजोर मुख्यमंतरी के रुप म गिने जात हे, जऊन ह 19 महीना के लंबा कार्यकाल म सिर्फ अऊ सिर्फ महतारी वंदन योजना अऊ भ्रष्टाचार के खिलाफ कार्रवाई करें के सिवाए कुछु नई कर पाईस, आखिर सीधा- सादा विष्णु देव साय अब सुदर्शन कब अऊ कईसे चला ही,जेखर से लोगन घलोक मन ल विष्णु देव साय के सांय -सांय कामबूता ल लोगन मन सुरता कर ही,नई तव फेर लोगन, भाजपा कार्यकर्ता अऊ अधिकारी घलोक मन रमन सिंह ल सुरता करत रहई..! अब विष्णु देव साय ह का कामबूता ल सांय -सांय कर ही,ऊहीं ह जानाय…!