तरुण कौशिक/ संपादक सर्वव्यापी/
छत्तीसगढ़ के राजनीति के इतिहास ला जेमन गहराई ले देखही, त ओमन ला एक नाव जरूर सुनाय देही , डॉ. रमन सिंह।15 अक्टूबर के दिन जऊन माटी के सपूत के जन्म होय रहिस, ओ ह आज पूरा प्रदेश बर समर्पित जीवन जिए हावय। तीन बार मुख्यमंत्री बने वाला डॉ. रमन सिंह के पहचान सिरिफ एक राजनेता के रूप में नई, बल्कि एक संवेदनशील, दूरदर्शी अऊ मृदुभाषी नेता के रूप में गढ़ाय हावय।सन 2003 ले 2018 तक के रमन राज के बखत, छत्तीसगढ़ एक नवोदित राज्य ले विकासशील प्रदेश बने रहिस। डॉ. रमन सिंह के शासन मा छत्तीसगढ़ के लोगन देखिन,धान खरीदी के सुव्यवस्थित नीति, गरीब परिवार बर स्मार्ट कार्ड अऊ सस्ता चांवल योजना, गांव-गांव सड़क, बिजली, पानी के पहुंच, अऊ नक्सल प्रभावित इलाकामे विकास के लहर।रमन सरकार के समय छत्तीसगढ़ के किसान बर “धान के कटोरा” नाम सिरिफ नारा नई रहिस, वास्तविक पहचान बने रहिस।डॉ. रमन सिंह ह पेशे ले आयुर्वेदाचार्य डॉक्टर रहिन। राजनीति मं आके भी ओ ह अपन कार्य के तरीका मं एक डॉक्टर के ‘संवेदनशीलता’ ला जिंदा रखिन। जहां समस्या हावय, ओहां इलाज खोजथें; जहां गरीबी हावय, ओहां राहत देथें। रमन सिंह ह जनसेवा ला सिरिफ ‘कुर्सी’ के माध्यम नई, बल्कि लोक कल्याण के साधना समझथें।“विकास के रमन मॉडल” ह सिरिफ भाषण नई, एक व्यवहारिक प्रयोग रहिस , किसान बर समर्थन मूल्य, छात्र बर सायकल अऊ छात्रवृत्ति, महिला स्व-सहायता समूह बर प्रोत्साहन अऊ उद्योग जगत बर पारदर्शी नीति। इन सबके जोड़ी के नाम रहिस “विश्वास”।डॉ. रमन सिंह के शासन मं जनता के भरोसा बने रहिस कि सरकार ह सुनत हावय, समझत हावय अऊ करबत हावय।आज डॉ. रमन सिंह छत्तीसगढ़ विधानसभा के अध्यक्ष हावय। राजनीति के ऊंचाई मं पहुंच के बाद भी उनकर सादगी, स्नेह अऊ मर्यादा ह ओला भीड़ ले अलग कर देथे। अध्यक्ष के रूप में वो ह “सत्ता” अऊ “विपक्ष” दुनो के बात ला समान भाव ले सुनथें , जेकर कारण विधानसभा मं गरिमा अऊ लोकतंत्र के मर्यादा बने रहिथे।15 अक्टूबर के दिन सिरिफ एक नेता के जन्मदिन नई, बल्कि ओह दिन ह छत्तीसगढ़ के एक युगदृष्टा, कर्मयोगी अऊ जनसेवक के जीवन के उत्सव हावय।डॉ. रमन सिंह के राजनीति, विनम्रता अऊ दूरदृष्टि आजो युवामन बर प्रेरणा बने हावय। रमन सिंह सिरिफ नाम नई,जनता के दिल मं बसे एक एहसास हावय, जऊन ह छत्तीसगढ़ के गली-गली मं विकास अऊ विश्वास के परचम लहरावत हावय।जन्मदिन के अवसर पर हमर पूरा सर्वव्यापी परिवार के ओर ले,डॉ. रमन सिंह जी ला हार्दिक शुभकामना ,आप स्वस्थ रहो, दीर्घायु बनव अऊ हमर प्रदेश ला नई ऊंचाई मं ले जावव।