तरुण कौशिक/संपादक सर्वव्यापी/
छत्तीसगढ़ के मुखिया विष्णुदेव साय आज सियोल, दक्षिण कोरिया म कोरिया इंटरनेशनल ट्रेड एसोसिएशन (KITA) के चेयरमैन जिन सिक युन अउ वाइस प्रेसिडेंट किम की ह्यून संग भेंट करे। 77,000 से जियादा सदस्य वाला ये संगठन एशिया के सबसे बड़े व्यापारिक मंच मन म गिनाथे।इस मौके म मुख्यमंत्री साय छत्तीसगढ़ के औद्योगिक नीति 2024–30, प्राकृतिक संसाधन अउ कुशल मानव संसाधन के ताकत ला रेखांकित करत निवेश, तकनीकी हस्तांतरण अउ स्किलिंग के क्षेत्र म संभावनाओं ऊपर विस्तार से चर्चा करे।मुख्यमंत्री कहिन, “दक्षिण कोरिया संग हमर संबंध सिरिफ व्यापारिक नई ये, बल्कि सांस्कृतिक अउ ऐतिहासिक घलो हवय। आज के बातचीत ले छत्तीसगढ़ अउ कोरिया के बीच निवेश, तकनीकी सहयोग अउ कौशल विकास के नए दरवाजा खुलही। ये ले छत्तीसगढ़ के युवा मन ला आधुनिक उद्योग म अवसर मिलही अउ प्रदेश के औद्योगिक विकास ला तेजी मिलही।”उँकर कहना रहिस के राज्य सरकार निवेशक मन ला सुगम वातावरण, जल्दी स्वीकृति अउ जरूरी आधारभूत सुविधा देय बर पूरी तरह प्रतिबद्ध आय। मुख्यमंत्री विश्वास जताइन के KITA संग ये सहयोग छत्तीसगढ़ ला वैश्विक औद्योगिक मानचित्र म नई पहचान देही।बैठक म KITA के चेयरमैन जिन सिक युन अउ वाइस प्रेसिडेंट किम की ह्यून घलो छत्तीसगढ़ के निवेश-अनुकूल नीतियों अउ संसाधन म गहरी रुचि देखाइन। वो मन कहिन के कोरियाई कंपनियाँ छत्तीसगढ़ म निवेश के संभावना ऊपर उत्साहित हवंय अउ जल्दी ही साझेदारी के ठोस कदम उठाही।मुख्यमंत्री विष्णु देव साय कहिन के ये सहयोग ले छत्तीसगढ़ के किसान, मजदूर अउ स्थानीय उद्यमी मन ला सीधे लाभ मिलही। खाद्य प्रसंस्करण, इलेक्ट्रॉनिक्स, ऑटोमोबाइल, स्टील अउ नवीकरणीय ऊर्जा जइसे क्षेत्र म निवेश ले हजारों रोजगार के अवसर बनही। तकनीकी हस्तांतरण ले स्थानीय उद्योग मन के गुणवत्ता अउ प्रतिस्पर्धात्मक क्षमता घलो बढ़ही।मुख्यमंत्री कहिन के छत्तीसगढ़ न केवल प्राकृतिक संसाधन ले भरपूर हवय, बल्कि युवा वर्ग मेहनती अउ कुशल आय। कोरियाई कंपनियाँ संग जुड़के उनला स्किलिंग अउ तकनीकी प्रशिक्षण के नए अवसर मिलहीं, जइसने प्रदेश के मानव संसाधन क्षमता वैश्विक स्तर म मजबूत हो जाही। ये साझेदारी प्रदेश के अर्थव्यवस्था ला नई ऊँचाई म ले जाही अउ आने वाले साल मन म छत्तीसगढ़ आत्मनिर्भरता अउ वैश्विक साझेदारी के आदर्श उदाहरण बनही।