तरुण कौशिक/ संपादक सर्वव्यापी/
मुख्यमंत्री के अध्यक्षता म आज कलेक्टर कांफ्रेंस म अगामी धान खरीदी, शासन के योजना अऊ जिला प्रशासन के तैयारिय मन ऊपर गहर चर्चा होइस। मुख्यमंत्री कहिन कि धान खरीदी 15 नवंबर ले सुरू होही अऊ सरकार के सबसे पहिली प्राथमिकता ह किसान मन के हित ह।मुख्यमंत्री साफ कहिन धान खरीदी म कऊनो भी अनियमितता या लापरवाही होही त कलेक्टर खुद जिम्मेदार ठहराय जाही।मुख्यमंत्री सब्बो कलेक्टर मन ल हुकुम दीन कि अपन जिला म धान खरीदी के तैयारी ला पूरा कर लेवव। ओ कहिन कि सरकार किसान के एक-एक दाना धान खरीदी करही, लापरवाही नई चले।खाद्य विभाग के समीक्षा करत मुख्यमंत्री कहिन कि खरीदी पूरी पारदर्शिता, सुगमता अऊ जवाबदेही के साथ होय। संवेदनशील खरीदी केंद्र म खास निगरानी रखे जाय अऊ प्रभारी सचिव मन अपन-अपन जिला म जाके देखवैं।मुख्यमंत्री कहिन कि धान खरीदी म पारदर्शिता बढ़ाय बर इंटीग्रेटेड कमांड एंड कंट्रोल सेंटर के उपयोग बढ़ाय जाही। ये सेंटर ले खरीदी के रियल टाइम मॉनिटरिंग होही अऊ गड़बड़ी होथे त तुरते कार्रवाई होही।
मुख्यमंत्री ह सीमावर्ती जिला म अवैध धान आवागमन रोकय बर पुलिस, खाद्य विभाग अऊ मार्कफेड के संयुक्त टीम बनाय बर कहिन। सीमा चौकी म निगरानी बढ़ाय जाही ताकि धान के अवैध परिवहन पर रोक लगाय जा सके।मुख्यमंत्री ह किसान पंजीयन पोर्टल के समीक्षा करत कहिन कि सब्बो जिला म 100 प्रतिशत पंजीयन पूरा हो जाए। जिहां नेटवर्क समस्या हे, ओ जगह म विशेष शिविर लगाय जाही।मुख्यमंत्री ह PVTG जनजाति के किसान मन बर अलग शिविर लगाय के निर्देश दीन ताकि कोनो पात्र किसान वंचित नई रह जावय।मुख्यमंत्री कहिन सरकार किसान, मजदूर अऊ गरीब परिवार के भलाई बर कटिबद्ध हे।” ओ सब अधिकारी मन ल कहिन कि मैदान म उतरके जनता के संग संवाद बढ़ावव अऊ संवेदनशीलता ले काम करव।मुख्यमंत्री के बात म साफ संदेश हे, सुशासन, पारदर्शिता अऊ जनहित अब हर अधिकारी के प्राथमिकता होथे।