संपादक की कलम से…विष्णु ह बदलत हे सूरत..

तरुण कौशिक/ संपादक सर्वव्यापी/

जब से छत्तीसगढ़ राज्य बनिस तौ दुनिया बर म छत्तीसगढ़ ल नक्सली के गढ़ के रुप म पहिचाने जावत रहिस अऊ दूसर परदेस के लोगन के गोठ बात दूर हमर छत्तीसगढ के लोगन मन बस्तर संभाग के कोनों जिला म जाए बर डरत रहिस ,जबके बस्तर संभाग के हरियाली,नदी नहर, झरना, मां दंतेश्वरी सहित आईसन कईयों जगह हे जऊन ल आज इतिहास के पन्ना म दरज हवै फेर नक्सली मन के कारण हमर छत्तीसगढ ह बदनाम होके रहिस फेर आज छत्तीसगढ़ राज्य के सबसे शांत और हरियाली के गोद म बसे बस्तर संभाग म विकास ल जऊन रफ्तार केंद्र के मोदी सरकार के कारण पकड़िस आज तेज रफ्तार ले बस्तर के विकास होत हे ,जेखर से आज छत्तीसगढ़ के लोगन मन अब बिना डरके बस्तर ल घूमत फिरत हे। छत्तीसगढ़ राज्य म जबले मुख्यमंत्री के रुप म विष्णु देव साय कामकाज संभाले हे,तब ले केंद्रीय गृह मंत्री अमित शाह ह छत्तीसगढ़ ही नई बल्कि पूरा दुनिया भर ले नक्सली मन ल खत्म करे बर रणनीति बना के कामकाज करत हे अऊ इही कारण आए के छत्तीसगढ़ के बस्तर संभाग म आए दिन नक्सली मन ल मारत जावत हे,जेखर से नक्सली मन के गढ़ अब सिरावत हे अऊ ईहां चारों कोती विकास के गंगा बहत हे, छत्तीसगढ़ के बस्तर संभाग म विष्णु देव साय के राज म आईसन पहिली पईत होत हे,जिहां प्रधानमंत्री, केंद्रीय गृह मंत्री के अलावा दूसर मंत्री मन आराम से रुकत हे अऊ नक्सली मन ल खत्म करे बर बस्तर म पुलिस, केंद्रीय पुलिस,आर्मी के जवान मन बईठ के रणनीति बनाए बर अपन योगदान देवत हे, बस्तर के सुकमा जिला म कांग्रेस के वरिष्ठ नेता मन के ऊपर नक्सली मन हमला ल इतिहास के पन्ना म दरज करे जाए चुके हे फेर अब छत्तीसगढ़ के बस्तर के विकास ल लेके घलोक इतिहास के पन्ना म दरज हो जाही। आज बस्तर आईसन विकास करत हे,जेन ल बस्तर के लोगन मन नई सोंचे रहिस। बस्तर संभाग के सबो जिला के एक उच्च अधिकारी से लेके एक छोटे कर्मचारी तक मन ईहा डर के संग नौकरी करत रहिस फेर आज नक्सली मन के खिलाफ लगातार कार्यवाही ले सबों राहत के सांस लेवत हे अऊ ईहा अब लोगन मन के अंतरास के भीतर ले नक्सली के डर है सिरागे हे अऊ विष्णु देव साय और मोदी सरकार ल धन्यवाद देवत हे बस्तर के रहवाईया मन जऊन बस्तर के संस्कृति, परंपरा, रिती रिवाज अऊ नक्सली मन ले शोषण होए ले सरकार ह बचावत हे। निश्चित रूप ले आज छत्तीसगढ़ के बस्तर संभाग म नक्सली मन के गढ़ ह अब विकास के गढ़ बनके हे,जेखर श्रेय मोदी अऊ विष्णु सरकार ल जावत हे,अब बस्तर म सब कुछ सुकून दिखाई पड़त हे,तौ चलव बस्तर घूमे ल….!