तरुण कौशिक/संपादक सर्वव्यापी/
हमर छत्तीसगढ के मुखिया विष्णु देव साय ह हमर जवान लईका मन के हित म बड़ फैसला करे हे, जेकर चारों कोती अब्बड़ -अब्बड़ गुनगान होत हवै। हमर मुखिया विष्णु देव साय ह छत्तीसगढ़ के जवान पढ़ाईया -लिखईया लईका मन जऊन मन देस के सबसे बड़े परीक्षा लोक सेवा आयोग के परीक्षा ल पास करके सिविल सेवा म नौकरी पाही ओला एक लाख रुपिया के ईनाम देही। ए फैसला आज के नव जवान पढ़ाईया -लिखईयाल लईका मन के हिम्मत ल आघू बढ़ाए बर अब्बड़ -अब्बड़ सुघ्घर प्रयास आए अऊ एकर संगे संग मुख्यमंतरी विष्णु देव साय ल चाही के हमर छत्तीसगढ म छत्तीसगढ़ी भासा म पढ़ाई-लिखाई करईया लईका घलोक मन ल ईनाम रुप म सरकारी नौकरी देवय, जेकर ले आज के जवान अऊ नान-नान लईका घलोक मन अपन पहिली कक्षा ले छत्तीसगढ़ी भासा म पढ़ाई-लिखाई करें बर आघू आही। निश्चित रूप ले लोक सेवा आयोग के परीक्षा पास करईया मन ल एक लाख ईनाम देहे के बाद अब छत्तीसगढ़ के नव जवान मन सिविल सेवा परीक्षा म ज्यादा से ज्यादा परीक्षा देहे के तईयारी कर ही,ए फैसला बर हमर मुखिया विष्णु देव साय ल सर्वव्यापी परिवार डहर ले धन्यवाद, आभार व्यक्त करत हन..!