तरुण कौशिक/संपादक/
आज भारत माई के लोगन मन 79वां स्वतंत्रता दिवस मनावत हन अऊ ए अवसर मं लाल किला ले देस के मुखिया नरेन्द्र मोदी के भासन सिरिफ औपचारिक संबोधन नई रहिस, बलकि भारत के भविष्य के एकदम साफ-सुथरा खाका रहिस। 103 मिनट के ए ऐतिहासिक भाषण मं किसान, नवयुवा, उद्योग, मजदूर, वैज्ञानिक अउ आम जन, सबके बर ठोस घोषणा करे गीस, जेकर रद्दा आत्मनिर्भर अउ सशक्त भारत के ओर बढ़त हे।हमर देस के मुखिया नरेंद्र मोदी हरोजगार अउ विकास के नवा आस₹1 लाख करोड़ के प्रधानमंत्री विकसित भारत रोजगार योजना ले युवामन बर नवा मौका खुलही। ए सिरिफ नौकरी देय के योजना नई हे, बल्कि कौशल विकास, उद्यमिता अउ उत्पादन आधारित रोजगार ला बढ़ावा देय के रोडमैप हे। दुनिया मं मंदी के दौर मं ए पहल भारत ला आर्थिक स्थिरता अउ रोजगार सृजन के मजबूत रद्दा मं ले जाही।आर्थिक सुधार के नवा अध्याय ल लेके दिवाली तक नेक्स्ट-जेन जीएसटी सुधार लागू करे के वादा, ग्राहक अउ व्यापारी दुनों बर राहत देही। महंगाई नियंत्रण अउ व्यापारिक सुगमता बढ़ाय के संग दाम कम, दम ज्यादा के नारा भारतीय उत्पाद के प्रतिस्पर्धा ला बढ़ाय के संकल्प हे।तकनीकी आत्मनिर्भरता के ओर2025 के आखरी तक ‘मेड इन इंडिया’ सेमीकंडक्टर चिप्स के उत्पादन चालू होय, डिजिटल क्रांति के अगला पड़ाव होही। सेमीकंडक्टर, स्मार्टफोन ले लेकर रक्षा उपकरण तक, सबके आधार हे। एमा आत्मनिर्भरता भारत ला तकनीकी महाशक्ति के रद्दा मं निर्णायक बढ़त देही।एखर संगे संग राष्ट्रीय सुरक्षा के दूरदर्शी पहल ल लेके देस के मुखिया नरेंद्र मोदी ह ‘सुदर्शन चक्र’ मिशन अउ हाई-पावर डेमोग्राफी मिशन भारत के सीमा अउ आंतरिक सुरक्षा ला नवा स्तर मं ले जाही। बदलत भू-राजनीतिक माहौल मं ए संकेत हे कि अब भारत सिरिफ प्रतिक्रियात्मक नई, बल्कि रणनीतिक रूप से आक्रामक घलो होही।देस के मुखिया नरेन्द्र मोदी के कहना हे कि “मयं किसान मन के, नवयुवा मन के, तुमन के दीवार बनके खड़ा रहिहौं” ..! सिरिफ भावनात्मक अपील नई, बल्कि नीति के संदेश हे..! खाद, उर्वरक, ई-व्हीकल बैटरी अउ कृषि तकनीक मं घरेलू उत्पादन ला बढ़ावा, गांव के समृद्धि अउ खाद्य सुरक्षा दुनों ला मजबूत करही। ए बात साफ हे कि हमर देस के मुखिया नरेन्द्र मोदी आत्मनिर्भरता अउ समग्र विकास बर खाका तैयार कर चुके हें। ए घोषणा सिरिफ योजना के सूची नई, बल्कि भारत ला आर्थिक, तकनीकी, सुरक्षा अउ सामाजिक नेतृत्व के ओर ले जाय वाला रोडमैप हे। अगर एला समय मं अउ पारदर्शी ढंग ले लागू करे जाही, त भारत आने वाले बछर मं वैश्विक नेतृत्व के मजबूत स्थिति मं खड़ा रईही..!
